ှဆီးချို သွေးချို ရောဂါ အကြောင်း..

ဆီးချိုသွေးချိုရောဂါဆိုသည်မှာ ဇီဝကမ္မဖြစ်စဉ်ချို့ယွင်း၍ ဖြစ်ပေါ်လာသောအခါရောဂါတစ်ခုဖြစ်ကာ ခန္ဓာကိုယ်တွင်း အင်ဆူလင်ဟော်မုန်းဓာတ်ချို့တဲ့နေ၍ဖြစ်စေ ၊ အာနိသင်လျော့နည်းနေ၍ဖြစ်စေ ကစီဓာတ်တို့အားလုံး၏ဇီဝကမ္မဖြစ်စဉ်များ ပျက်စီးကာသွေးတွင်းအချိုဓာတ်များ များပြားနေသောရောဂါတစ်ခုဖြစ်ပါသည်။

ဖြစ်နိုင်ခြေရှိသူများ

          ဆီချိုသွေးချိုရောဂါမျိုးရိုးရှိသူများ ၊ အ၀လွန်ကဲသူများ ၊ ကိုယ်ကာယလှုပ်ရှားမှုနည်းသောသူများ ၊ သွေးအတွင်း အဆီဓာတ်မျာပြားသူများ ၊ သွေးတိုးရောဂါရှိသူများ အသက်(၄၀)ကျော်လာသူတိုင်း ဆီးချိုသွေးချိုရောဂါဖြစ်နိုင်ပါသည်။ အထက်ပါအချက်အလက်များရှိသောသူများသည်ဖြစ်နိုင်ခြေပိုများသူများဖြစ်ကြပြီး ၎င်းအချက်အလက်များမရှိသော်လည်း လူတိုင်းသည်ဆီးချိုသွေးချိုရောဂါဖြစ်နိုင်ပါသည်။

          အမျိုးအစားခွဲခြားခြင်း(Classification)အရ ဆီးချိုသွေးချိုရောဂါအမျိုးအစားလေးမျိုးရှိပါသည်။

(၁)     အမျိုးအစား(၁)ဆီးချိုသွေးချိုရောဂါ(Type 1 Diabetes)

(၂)     အမျိုးအစား(၂)ဆီးချိုသွေးချိုရောဂါ(Type 2 Diabetes)

(၃)     ကိုယ်ခန္ဓာအတွင်းရောဂါတစ်ခုခု သို့မဟုတ် အကြောင်းအချက်တစ်ခုခုကြောင့် နောက်ဆက်တွဲဆင့်ပွားဖြစ်ပေါ်လာ သောဆီးချိုသွေးချိုရောဂါ(Secondary Diabetes of other Specific Type of Diabetes)နှင့်

(၄)     ကိုယ်ဝန်ဆောင်စဉ်မှ ဖြစ်ပေါ်လာသောဆီးချိုသွေးချိုရောဂါ(Gestational Diabetes Mellitus)တို့ဖြစ်ကြပါသည်။

ရောဂါလက္ခဏာများ

          ဆီးချိုသွေးချိုရောဂါရှင်တစ်ဦးသည် အာခြောက်မည် ၊ ရေငတ်မည် ၊ နေ့ခင်းတွင်ဆီးအများကြီးသွားမည် ၊ ညဘက် တွင်လည်းမကြာခဏထပြီး ဆီးသွားမည် ၊ ကိုယ်အလေးချိန်ကျသွားမည် ၊ပိန်သွားမည်၊ဘာကြောင့်မှန်းမသိဘဲနုံးချည့်နေမည်၊ ကိုယ်လက်များယားယံပြီးကုတ်ခြစ်နေရမည် ၊ အင်္ဂါစပ်များယားယံမည် ၊ အမျိုးသမီးများအဖြူဆင်းမည် ၊ အနာများမကြာခဏ ပေါက်မည် ၊ အနာများကျက်ခဲမည်စသည့်ရောဂါလက္ခဏာများရှိတတ် ၊ ဖြစ်တတ်ပါသည်။

          ယင်းရောဂါများသည် ကလေးသူငယ်နှင့်လူငယ်များတွင်အဖြစ်များသည့်အမျိုးအစား(၁)ဆီးချိုသွေးချိုရောဂါတွင် ပို၍ သိသာပြင်းထန်စွာဖြစ်တတ်ပါသည်။ လူလတ်နှင့်လူကြီးများတွင်အဖြစ်များသည့်အမျိုးအစား(၂)ဆီးချိုသွေးချိုရောဂါများမှာ သိသိသာသာထင်ရှားခြင်းမရှိဘဲ ဖြစ်တတ်ပါသည်။

၎င်းဆီးချိုသွေးချိုရောဂါလက္ခဏာများအပြင်-

          -ဆီးသွားသည့်နေရာတွင် ပုရွက်ဆိတ်အုံနေတတ်သည်။

          -ခြေလက်များတုန်နေတတ်သည်။         

          -ခြေလက်များဖောရောင်တတ်သည်။

          ယင်းလက္ခဏာများ ဖြစ်ပေါ်လာခဲ့လျှင်လည်း ဆရာဝန်ထံသို့လာပြတတ်ကြပါသည်။

          မည်သည့်ရောဂါလက္ခဏာများမှ မပြဘဲနှင့်လည်း ဆီးချိုသွေးချိုရောဂါဖြစ်နေတတ်ပါသည်။ သတိထားရမည့်အချက် ပင်ဖြစ်ပါသည်။မည်သည့်ရောဂါလက္ခဏာမှမပြ၍ ဆီးချိုသွေးချိုရောဂါမရှိဟု အမှတ်မှားနေမည်ကိုစိုးရိမ်ရပါသည်။ရောဂါ လက္ခဏာများမရှိသော်လည်း ဆီးချိုသွေးချိုရောဂါအဖြစ်များသည့် အခြားအကြောင်းအချက်များရှိနေလျှင်လည်းဆီးချိုသွေးချို ရောဂါကို ဂရုပြုရှာဖွေဖော်ထုတ်စောင့်ကြည့်နေရန်လိုအပ်ပါသည်။

ဆီးချိုသွေးချိုရောဂါနှင့်တွဲဖြစ်တတ်သောရောဂါများ

          ဆီးချိုသွေးချိုရောဂါနှင့်တွဲဖြစ်တတ်သည့်ရောဂါများကလည်းအရေးကြီးပါသည်။

ယင်းရောဂါများ မိမိတွင်ရှိနေပြီဆိုလျှင် ဆီးချိုသွေးချိုရောဂါလည်းရှိနိုင်ပြီဆိုပြီး ရောဂါကိုရှာဖွေစစ်ဆေးစောင့်ကြည့်နေရန် လိုအပ်ပါသည်။ဆီးချိုသွေးချိုတွဲ၍ဖြစ်တတ်သည့်ရောဂါများမှာ-

          -သွေးတိုးရောဂါ

          -သွေးတွင်းအဆီများသည့်ရောဂါ

          -အ၀လွန်ကဲသည့်ရောဂါများဖြစ်ကြပါသည်။

ယင်းရောဂါသုံးခုစလုံးသည်အဖြစ်များကြပြီး ယင်းရောဂါများရှိလျှင် ဆီးချိုသွေးချိုရောဂါလည်းတွဲပြီးဖြစ်တတ်သည်ကို သတိ ထားရန်လိုအပ်ပါသည်။

ဆီးချိုသွေးချိုရောဂါ၏ နောက်ဆက်တွဲရောဂါများမှာ-

          -မျက်စိကွယ်ခြင်း

          -ဦးနှောက်သွေးကြောပိတ်ကာ လေသင်တုန်းဖြတ်ခြင်း

          -ကျောက်ကပ်ရောဂါဖြစ်ခြင်း

          -ခြေထောက်ပုပ်ခြင်း

          -ရောဂါပိုးမွှားများ မကြာခဏ၀င်ရောက်ခြင်း

          -အနာကျက်ရန်ခဲယဉ်းခြင်း

          -ကိုယ်ဝန်ဆောင်ချိန်တွင်ဖြစ်ပေါ်လာသောနောက်ဆက်တွဲဆင့်ပွားရောဂါများကြောင့် မိခင်နှင့်ကလေးတို့၏ ကျန်းမာ ရေးနှင့်အသက်အန္တရယ်ကို ထိခိုက်နိုင်ခြင်းတို့ဖြစ်ကြပါသည်။

ဆီးချိုသွေးချိုရောဂါရှင်များ၏မှားယွင်းစွာယူဆပြီး ကျင့်သုံးမှု အလေ့အကျင့်များ

          ဆီးချိုသွေးချိုရောဂါရှင်များ၏ မှားယွင်းစွာယူဆပြုမူကျင့်သုံးမှုအလေ့အထများမှာ-

(၁)     တတ်သိနားလည်သော ဆေးပညာရှင်များ ၊ ဆီးချိုသွေးချိုရောဂါအထူးကုပညာရှင်များ၏ အကြံပေးချက်များကို လက်ခံလိုက်နာခြင်းမရှိဘဲ အစာအာဟာရများကို မိမိထင်မြင်ယူဆချက်သက်သက်နှင့်စားသုံးနေကြခြင်း

(၂)     သိပ္ပံနည်းကျလေ့လာစမ်းသပ်ချက်မှုများအပေါ်အခြေခံ၍အကြံပြုချက်များကိုမလိုက်နာဘဲ ဆီးချိုသွေးချိုဝေဒနာရှင် အချင်းချင်းထံမှဖြစ်စေ ၊ရပ်ကွက်ထဲမှလူများ၏ထင်မြင်ယူဆအကြံပေးချက်များကိုဖြစ်စေ လွဲမှားစွာလက်ခံလိုက်နာနေကြခြင်း

(၃)     အစားအစာနှင့်ဆေးဝါးကိုအချိန်ကိုက်၍ စားသုံးခြင်းမရှိဘဲစားချင်သလိုစားသုံးနေကြခြင်း

(၄)     စားသုံးသည့်အစားအစာများတွင် အဓိကအကျဆုံးကစီဓာတ်လုံလောက်စွာပါဝင်ခြင်းမရှိဘဲ အရည်နှင့်အသားဓာတ် များသက်သက်ပါဝင်နေခြင်း

(၅)     အစားအစာစားသုံးချိန်များကို တစ်သမတ်တည်းမရှိဘဲစည်းကမ်းမရှိစွာ စားချင်သလိုစားသုံးနေခြင်း

(၆) စားသုံးရန်မသင့်သော အစားအစာများကို တစ်ခါတလေပါ ၊ နည်းနည်းလေးစားတာပါစသဖြင့် ဆင်ခြေများပေးကာ စားသုံးတတ်ခြင်း။

          မတည့်သောအစာများကို တစ်ခါတစ်လေဖြစ်စေ ၊ နည်းနည်းလျှော့စားသည်ဖြစ်စေ စားသုံးသည်နှင့်သွေးချိုဓာတ် များတက်လာပြီးသွေးချိုထိန်းသိမ်းမှုများပျက်စီးတတ်ပါသည်။ မတည့်သောအချိုဓာတ်သည်ဆီးချိုသွေးချိုရောဂါရှင်များ၏ ကိုယ်တွင်းအင်္ဂါများကို တဖြည်းဖြည်းချင်းထိခိုက်ပျက်စီးစေတတ်ကြောင်းသတိမူသင့်ကြပါသည်။ အဆိပ်ဟူသမျှနည်းနည်း ဖြစ်စေ ၊ လျှော့၍တစ်ခါတစ်လေစားသုံးသည်ဖြစ်စေ ၊ မည်သို့သောပုံစံနှင့်စားသည်ဖြစ်စေ ကိုယ်ခန္ဓာကိုထိခိုက်အန္တရယ်ရှိ ကြောင်းသတိချပ်စေလိုပါသည်။

ဆီးချိုသွေးချိုရောဂါမဖြစ်အောင်လိုက်နာဆောင်ရွက်သင့်သည့်အချက်များ

(၁)     အစားလျှော့စားပါ။(ချိုလွန်း ၊ ငန်လွန်း ၊ အဆီများလွန်းသောအစားအစာများကိုလျှော့စားပါ)

(၂)     ရေများများသောက်ပါ ။ ရေဆာလျှင်ရေကိုသောက်ပါ ။ အချိုရည်များသောက်သုံးခြင်းဖြင့်ရေငတ်ခြင်းကို မဖြေပါနှင့်။

(၃)     ကိုယ်ခန္ဓာအ၀မလွန်အောင်ထိန်းထားပါ။ အ၀လွန်ခဲ့လျှင်လက်ရှိကိုယ်အလေးချိန်၏ ငါးရာခိုင်နှုန်းမှခုနစ်ရာခိုင်နှုန်း အထိလျှော့ချနိုင်အောင်ကြိုးစားပါ။

(၄)     လှုပ်ရှားမှုများသည့်လူ့ဘ၀တွင်နေထိုင်ပါ။ အထိုင်များခြင်း ၊ လှုပ်ရှားမှုနည်းခြင်းကိုရှောင်ပါ။မဝေးသောခရီးကို လမ်းလျှောက်သွားပါ။မမြင့်လွန်းသည့် အထပ်များကိုခြေဖြင့်သာအတက်/အဆင်းလုပ်ပါ။အိမ်ရှင်မများ အိမ်အလုပ်ကို တက်ကြွစွာလုပ်ကိုင်ခြင်း ၊ ခြံထဲတွင်ပေါင်းမြတ်သုတ်သင်ခြင်းဖြင့်လည်း လှုပ်ရှားမှုများလုပ်ကိုင်နိုင်ပါသည်။

(၅)     နားနေချိန်တွင်ပုံမှန်လေ့ကျင့်ခန်းလုပ်ပါ။ တစ်နေ့လျှင်မိနစ် ၃တစ်ပတ်လျှင်ငါးရက် စုစုပေါင်းမိနစ် ၁၅၀ထက်မနည်း ပုံမှန်လေ့ကျင့်ခန်းလုပ်ပါ။

(၆)     အမျှင်ဓာတ်များသော အစားအစာများများစားသုံးပါ ။ ဟင်းသီးဟင်းရွက်နှင့် သစ်သီးဝလံများကိုများများနှင့်စုံအောင် စားသုံးပါ။

(၇)     ပြည့်ဝဆီများလျှော့၍စားသုံးပါ။တိရစ္ဆာန်မှရသောအဆီများ ဥပမာ-ကြက်အရေပြား ၊ ဘဲအရေပြား ၊ ကလီစာများ ၊ ၀က်ဆီ ၊ အမဲဆီ စသည်တို့ကိုရှောင်ပါ။ ငါးမှရသော အဆီများစားသုံးနိုင်ပါသည်။(ဥပမာ-ငါးကြင်းဆီ ၊ ငါးပတ်ဆီ)

(၈)     စိတ်ဖိစီးမှုများလျော့နိုင်လျော့အောင် ကြိုးစားနေထိုင်ပါ။ အိပ်ချိန် ၊ နားချိန်လုံးလောက်အောင်ယူပါ။ အာဟာရပြည့်ဝ အောင်စားပါ။ အရာရာကိုအပြုသဘောဖြင့်အကောင်းမြင်နိုင်အောင်ကြိုးစားပါ ။ အချိန်ကိုစနစ်တကျအသုံးချပါ။ပြဿနာများ ကိုတစ်ယောက်တည်းမဖြေရှင်းနိုင်လျှင်တတ်သိသူများထဲမှ အကြံဥာဏ်ယူ၍ဖြေရှင်းပါ။

သတိပြုလိုက်နာရမည့် ယေဘုယအချက်များ

(၁)     ဆီးချိုသွေးချိုရောဂါသည်များအတွက် သက်သက်သီးသန့်အစားအစာဟူ၍မရှိပါ။

(၂)     မိသားစုအတွက်ပြင်ဆင်ချက်ပြုတ်ထားသောအစားအစာများကို အချိုဓာတ်ပါသောအစားအစာများမှလွဲ၍ မိသားစု နှင့်အတူစားသုံးကြရန်

(၃)     ဒိုင်းယက်(Diet)ကော်ဖီ ၊ လက်ဖက်ရည် ၊ ကွေကာအုပ်စသည့်အစားအစာများမှာ အ၀လွန်ကဲသည်များဆက်၍ မ၀စေရန်စွမ်းအင်ကယ်လိုရီဓာတ်မများအောင် စီမံထားကြခြင်းသာဖြစ်ပြီး ဆီးချိုသွေးချိုရောဂါရှင်များ အတွက်အထူး သင့်တော်စွာ စားသုံးနိုင်သည်ဟုလွဲမှားစွာယူဆ၍မစားသုံးမိကြစေရန်

(၄)     အစားအစာကိုကုထုံးတစ်ခုအနေဖြင့် အလေးထားယူဆပြီးဆေးကိုအချိန်မှန်စားသုံးသကဲ့သို့အစားအစာများကိုလည်း အချိန်မှန်မှီဝဲသုံးဆောင်ကြရန်

(၅)     သွေးချိုဓာတ်ထိန်းသိမ်းမှုကောင်းမွန်လာစေရန်သွေးချိုထိန်းသောက်ဆေးနှင့်ဖြစ်စေ ၊ အင်ဆူလင်ဟော်မုန်းနှင့်ဖြစ် စေ အစားအစာကိုအချိန်ကိုက်စားသုံးရန်

(၆)     အဓိကစားသုံးသော နံနက်စာ ၊ နေ့လယ်စာ ၊ ညနေစာများတွင်ကစီဓာတ်ဖြင့် ပြုလုပ်ထားသောအစားအစာများ  မဖြစ်မနေပါဝင်ထည့်သွင်းစားသုံးကြရန်

(၇)     နေ့စဉ်စားသုံးသောအစားအစာများ၏ပမာဏကို အဖြစ်နိုင်ဆုံးတူအောင်စားသုံးကြရန်

(၈)     နေ့စဉ်အစားအစာစားသုံးချိန်များကိုအနီးကပ်ဆုံးတူအောင်နေ့စဉ်စားသုံးကြရန် ၊ နေ့စဉ်စားသုံးနေကြအချိန်များတွင် အချိန်မှန်စားသုံးနေကြရန်

(၉)     ဆီးချိုသွေးချိုရောဂါသည် တစ်သက်တာလုံးရှိနေမည့်ရောဂါဖြစ်သဖြင့် မိမိ၏စားသုံးမှုဓလေ့စရိုက်များမှာတစ်သက် လုံးလိုက်နာကျင့်သုံးမည့်အလေ့အကျင့်များဖြစ်ရန်လိုအပ်ပါသည်။သို့ဖြစ်ပါ၍အစားအစာများကိုတစ်ပွဲထိုးရှောင်ခြင်း ၊ စားသုံး ခြင်းများမပြုလုပ်ကြဘဲ စားသုံးမှုဓလေ့စရိုက်များကိုမိမိနှင့်သဘာဝလိုက်ဖက်သောဓလေ့စရိုက်များဖြစ်စေရန်အထူးပင် အရေး ကြီးလိုအပ်ပါသည်။

ဆီးချိုသွေးချိုရောဂါရှင်များအနေဖြင့် စားသုံးသင့်သည့် အစာအာဟာရများ ကိုရဲတင်းစွာ စားသုံးနိုင်သကဲ့သို့ မသင့်လျော်သော အစာအာဟာရများကိုလည်း လုံးဝမစားသုံးကြရန် အထူးပင်လိုအပ်လှပါသည်။ မစားသုံးသင့်သည်များ စား

သုံးပါက သွေးတွင်းသကြားဓာတ်များလွန်ကဲများပြားနေမည် ဖြစ်သကဲ့သို့ စားသုံးပါက သွေးတွင်းသကြားဓာတ်များလွန်ကဲ

များပြားနေမည် ဖြစ်သကဲ့သို့ စားနိုင်သည်ဆိုသော အစာများကို အလုံအလောက်မစားသုံးခဲ့လျှင်လည်း သွေးတွင်းအချိုဓာတ် များ  ကျဆင်းလွန်းကာ သတိလစ်မေ့မြောခြင်းမှ မသင့်လျော်သော အစာများကိုရော စားသုံးနိုင်သော

အစာများကို သိရှိထားရန် အထူးလိုအပ်ပါသည်။